Ditën e sotme, kreu i Shtetit Ilir Meta ka pritur në Presidencë kreun e Kuvendit, Gramoz Ruçin.
Fillimisht u mendua se ky takim kishte në fokus ngërçin politik lidhur me dekretimin e Sandër Lleshit si ministrit të Brendshëm.
Por, duket se në këtë takim Meta dhe Ruçi kanë folur për çështje të tjera të rëndësishme. Mësohet se në fokus të bisedës kanë qenë zgjedhjet lokale dhe konkretisht data e zhvillimit të tyre.
Sipas Presidencës, takimi është zhvilluar me kërkesën e Metës. Ai e njohu Kryeparlamentarin Ruçi me konsultimet e zhvilluara prej tij për datën e zgjedhjeve të ardhshme lokale.
Gjithashtu, Presidenti Meta i bëri me dije Kryetarit Ruçi zhvillimin e procedurave transparente për të ftuar kandidatët, të cilët kanë paraqitur interesin për Kreun e Kontrollit të Lartë të Shtetit, me qëllim përzgjedhjen e një kandidati të përshtatshëm dhe me integritet për këtë pozicion të rëndësishëm.
Nuk dihet nëse gjatë takimit është cekur edhe çështja e dekretimit të ministrit të Brendshëm, një “Jo” kjo e Metës që sipas kryeministrit ka shkelur Kushtetutën.
