Çdo mesfushor krijues ka nevojë për dikë që ta mbrojë dhe të bëjë të mundur që aftësitë e tij të shprehen sa më mirë në fushën e blertë. Pas thuajse çdo fantazisti, “fshihet” një mesfushor shkatërrues që bën punën e “pisët”…
Më poshtë do të gjeni 6 prej më të mirëve:
1- Paul Scholes dhe Roy Keane te Manchester United. Ndoshta është pak e rëndë ta quash Keane një “truprojë” duke parë atë që ka dhënë për Manchester United. Por kushdo që bënte një ndërhyrje ndaj Scholes, e kishte të sigurt një shkelm prej tij. Aftësia e tij për të trembur kundërshtarët padyshim që ndihmonte Scholes të bënte një punë edhe më të mirë. Kush nuk i mban mend duelet e Keane me Patrick Vieria…
4- Juan Roman Riquelme dhe Marcos Senna te Villarreal. Riquelme mund të konsiderohet si një prej 10-shave klasikë të fundit në qarkullim, dhe si i tillë i duhej një “dorë e fortë” nga pas për ta mbrojtur. Dhe fati e desh që 11 vitet e Sennas me Villarrealin të përkonin me vitet më të mira të karrierës së Riquelmes. Madje braziliani i natyralizuar spanjoll bënte edhe rolin e organizatorit në rastet kur Riquelme markohej dhe dilte jashtë loje.
5- Xavi dhe Sergio Busquets te Barcelona. Busquets mund të konsisderohet si një “truprojë” që e bën punën vetëm duke folur, pa qenë nevoja të “përdorë duart”. Aftësia e tij për t’i kaluar topin Xavit sado e vogël të ishte hapsira ishte thuajse telepatike.
6- Steven Gerrard dhe Javier Mascherano te Liverpool. Aftësitë mbrojtëse të Mascheranos ishin aq të mira, sa jo vetëm Gerrard ishte i sigurt, por edhe Xabi Alonso e kishte më të lehtë të bënte rolin e organizatorit të fshehtë nga prapavija në kohën kur të tre luanin te Liverpool. Gjatë gjithë karrierës së tij me “Reds”-at, argjentinasi shënoi vetëm dy gola, çka tregon përkushtimin e tij ndaj rolit të “truprojës”.
