Miliona njerëz në botë vuajnë nga pagjumësia. Megjithatë, ka disa mënyra që mund t’i shfrytëzoni për të shpëtuar nga ky problem.
- Zgjero dhomën tënde të gjumit
Dhoma juaj e gjumit është bërë për të fjetur, prandaj mjaft e përdorët atë si dhomën e ndenjës. Mundohuni ta mbani të errët. Trupi juaj ka nevojë për errësirë, për t’ju ndihmuar ju që të çlirojë melatoninë, e cila ju ndihmon të flini. Mund të përdorni edhe maskat e syve për fjetjen. Fikni telefonat celularë dhe ekranet e kompjuterëve, pasi drita e tyre është veçanërisht e padobishme për prodhimin e melatoninës. Nëse keni nevojë për dyshek të ri, zgjidhni një që është i përshtatshëm. Seksi është gjithashtu i mirë. Orgazma ju ndihmon që t’ju zërë gjumi më shpejt.
- Krijoni një rutinë të rregullt të gjumit
Mos bëni asgjë gjatë ditës që mund të pengojë më vonë gjumin tuaj gjatë natës. Shmangni gjumin gjatë ditës dhe krijoni një rutinë të natës: bëni një banjë të nxehtë, fikni pajisjet elektronike të paktën 40 minuta para se të flini, lexoni një libër ose luani muzikë qetësuese.
- Kujdes çfarë hani dhe çfarë pini
Alkooli mund të ndërhyjë në ciklin tuaj të gjumit. Ai ju ndihmon të flini fillimisht, por ju zgjon disa orë më vonë. Shmangni vaktet e mëdha në mbrëmje, sidomos ushqime të rënda që mund të shkaktojnë trazira të stomakut. Mos pini kafe pas drekës, studimet e 2017-ës kanë zbuluar se kafeina zvogëlon kohën dhe cilësinë e gjumit.
- Mos e kontrolloni orën
Stresi që nuk po ju zë gjumi është një faktor që ju mban zgjuar gjatë natës. Pra, rezistojini tundimit për të shikuar orën. Në vend të kësaj, ndihuni rehat, të sigurt dhe të ngrohtë. Rikujtoni kohët e lumtura dhe thojini vetes se do të vazhdoni të punoni mirë nesër.
- Nëse vërtet nuk mund të flini, ngrihuni nga shtrati
Nëse zgjoheni shpesh gjatë natës, ngrihuni dhe lexoni ndonjë libër ose muzikë. Kthehuni në shtrat kur të ndiheni të lodhur, kjo do ju ndihmojë t’ju zërë gjumi më shpejt.
- Mbani një ditar për gjumin
Regjistroni shprehitë tuaja të fjetjes gjatë dy javëve. Kur shkoni në shtrat, shkruani sa kohë flini. Shikoni zakonet që ju pengojnë të bëni gjumë të rehatshëm, dhe vini re ato zakone që ju ndihmojnë të flini mirë gjatë natës. Një ditar i tillë, mund të ndihmojë edhe doktorin që të kuptojë cfarë nuk shkon tek ju, lidhur me pagjumësinë./ TIRANA TODAY
