Shënohet sot 50-vjetori i fillimit të luftës izraelito-arabe, e ashtuquajtura Lufta Gjashtëditore, e cila çoi në ndryshim të hartës së Lindjes së Mesme dhe shënoi një kthesë të fortë në historinë e këtij rajoni.
Mes 5-10 qershorit, Izraeli pushtoi Sinain egjiptian, Cisjordaninë, Rripin e Gazës, Jerusalemin Lindor dhe Lartësitë siriane të Golanit.
Edhe pse Izraeli u tërhoq që prej asaj kohe nga Sinai, Golani dhe Jerusalemi Lindor janë aneksuar, ndërsa Cisjordania vazhdon të jetë e pushtuar.
Izraeli u tërhoq gjithashtu edhe nga Rripi i Gazas, por mban enklavën palestineze të bllokuar.
Më 5 qershor 1967, në agim, ushtria izraelite sulmoi bazat ajrore egjiptiane. Blindat izraelitë u nisën drejt frontit egjiptian. Vendet arabe shpallën luftë kundër Izraelit.
Më 6 qershor, ushtria izraelite u vendos në Gaza, në atë kohë nën administratën egjiptiane. Trupat izraelite hynë në sektorin arab të Jerusalemit.
Pas një bisede të gjatë kokë më kokë amerikano-sovjetike, Këshilli i Sigurimit i OKB-së miratoi unanimisht një rezolutë që kërkonte një armëpushim të menjëhershëm.
Më 7 qershor, një betejë e madhe e blindave shpërthen në mes të Sinait, ndërkohë që ushtria izraelite pushtoi bregun lindor të kanalit të Suezit. Marina merr Sharm el-Sheikhun dhe lëshon gjirin dhe lë gjirin e Aqabas.
Lagjet hebreje të Jerusalemit u bombarduan.
Forcat izraelite hynë në Qytetin e Vjetër dhe kryeministri izraelit, Levi Eshkol shkon në Murin e Lotëve.
Ushtria izraelite pushton pjesën më të madhe të Bregut Perëndimor. Jordania pranon armëpushimin.
Më 8 qershor, izraelitët arrijnë kanalin e Suezit. Beteja e Sinait përfundon, por më pas radio Kajro njofton pranimin nga Egjipti të armëpushimit të kërkuar nga Këshilli i Sigurimit dhe njoftuar më herët nga media e huaj.
Më 9 qershor, zhvillohen luftime të dhunshme në kufirin izraelo-sirian. Izraelitët hynë në Golan dhe marrin pjesën më të madhe të lartësive që dominojnë territorin izraelit.
Më 10 qershor, në frontin siriano-izraelit lufta bëhet më e ashpër. I gjithë arsenali ushtarak izraelit është mobilizuar për të shkatërruar plotësisht pozicionet siriane. Pas rrëzimit të Qouneitrat, Siria ndërpret luftën.
Rezulati i luftës së shkurtër ishte; Izraeli mundi tre ushtri arabe që kërcënonin ekzistencën e tij dhe vendosi vetë kufijtë në kanalin e Suezit, Jordanisë dhe Golanit. Pasojat e gjashtë ditëve luftë, ndjehen fort edhe sot pas 50 vitesh./Tirana Today/
