Briken Calja ka përfaqësuar Shqipërinë në Kampionatin Botëror të Peshëngritjes duke sakrifikuar edhe pse vinte nga një dëmtim të cilin akoma nuk e kishte lënë pas. Ai u rendit i gjashti në peshën 73 kg e cila ka një rivaliteti të lartë. Menjëherë pas ndeshjes kampioni shqiptar ka shkruar në faqet e tij në rrjetet sociale, ku premton se nuk do të ndalet duke luftuar për të nderuar flamurin kuqezi:
“Një paraqitje e kënaqshme dhe rezultat mjaft i mirë duke pasur parasysh gjendjen time fizike dhe konkurrencën e fortë në peshën deri në 73 kg. Një fitore më vete është mposhtja e kampionit olimpik dhe thyerja e 5 rekordeve kombëtare edhe pse në gjendje jo të mirë fizike.
Falënderim i veçantë për doktorin më të mirë Gjeorgjian, Gio Tchintcharauli, falë të cilit u riktheva në garë përsëri për shkak të dëmtimit që kisha në kofshë. Gjithashtu faleminderit stafit tim për punën e palodhur, Sokolin & Geraldin. Falenderoj Cufo Fitness Center & Mojo Production dhe Federatën e Peshëngritjes.
Mbi të gjitha një falënderim të madh familjes sime.
Do të vazhdoj të derdh gjak e djersë për këtë vend dhe këtë flamur, të nderoj gjithë ata që më kanë përkrahur në këtë rrugëtim. Ju falënderoj të gjithëve për mbështetjen! ”- është mbyllur kështu postimi i Briken Caljas pas fitores morale në këtë garë.”
