Zlatko Dalic, do të mbahet mend gjatë në historinë e futbollit kroat, pas arritjes që bënë në Kupën e Botës duke shkuar deri në finale. Kroacia u mposht në Moskë nga Franca me rezultatin 4-2, por ka fituar dashurinë e gjithë tifozëve në botë për atë që dhanë në fushë.
Pas këtij suksesi Dalic është mjaft i kërkuar, ofertat e para kanë ardhur nga Japonia dhe Egjipti, por kroati dëshirën të vazhdojë punën në Premier League. 51-vjeçarit i është ofruar një kontratë me pagë 5 milionë dollarë, por Daliç duke lënë mënjanë modestinë deklaroi se është trajneri i dytë më i mirë në botë dhe se paraja nuk është ajo që e motivon më shumë.
“Ju pëlqen apo jo, jam trajneri i dytë më i mirë në botë”, tha Daliç për median kroate-dhe paga prej 5 milionë dollarë në vit për trajnerin e dytë më të mirë është shumë e ulët. Paraja është e rëndësishme për të gjithë, por për mua nuk është motivuesja kryesore”.
