Ministri i Brendshëm dhe njëherësh zëvendëskryeministri italian Mateo Salvini festonte me shokët dhe zyrtarët e partisë e tij në ditën e tragjedisë së madhe, ku 41 persona vdiqën në urën Morandi.
Një kontradiktë e madhe kjo për italianët që ka shokuar të gjithë. Xhenova ishte e gjitha në tragjedi, ministri i Brendshëm ngrinte dolli në mbrëmjen e ngjarjes së rëndë.
Foto dhe video po qarkullojnë në internet, ku Salvini shfaqet krejt i gëzuar dhe i qeshur nën shoqërinë e miqve të tij dhe zyrtarëve të tjerë italianë. Ndërsa vetë ministri shprehet se ai po bën detyrën e tij si ministër i Brendshëm dhe nuk do që të bëjë as gjyqtarin, as prokurorin, as inxhinierin. Ai ka cilësuar thjesht si një ditë të keqe. “Nga nesër duhet të merren përgjegjësitë. Nuk bëj gjykatësin, as prokurorin dhe as inxhinierin. Unë bëj vetëm detyrën e ministrit të Brendshëm që kujdeset për sigurinë”, u shpreh Salvini. 
Në urën Morandi të qytetit të Xhenovas humbën jetën 41 persona, si pasojë e shembjes së saj. Ndërsa ishte lënë e pa mirëbajtur prej vitesh.
“Është e papranueshme që njerëzit në Itali të vdesin kështu”, theksoi të nesërmen e tragjedisë, Mateo Salvini.
Sot Xhenova dhe Italia është e mbuluar nga zia. Ndërsa Salvini festonte me zyrtarët italianë mbrëmjen e tragjedisë. Kjo është një vrasje për herë të dytë ndaj viktimave që humbën jetët e tyre në urën e Xhenovas. TIRANA TODAY
