Real Madrid është duke menduar që të bëjë disa investime të rëndësishme, për të rikuperuar boshllëkun e krijuar me largimin e Cristiano Ronaldos drej Juventusit. Florentino Perez duket se do të hapë “thesin” në këtë merkato vere dhe supozohet që të investojë rre 400 milionë euro. Kjo e shtyrë për faktin se edhe Karim Benzema e Gareth Bale janë drejt largimit dhe trajneri i ri Lopetegui kërkon të ndërtojë sa më shpejt një skuadër të re konkurruese.
Duke pasur parasysh se madrilenët kanë hequr dorë nga Neymar dhe Mabappe, Perez kërkon që të sjellë tre lojtarë mjaft të rëndësishëm në ekip, bëhet fjalë për : Eden Hazard, Harry Kane dhe Thibaut Courtois.
Hazard shihet si alternativa më e mirë për të mbuluar krahun e majtë në të cilin luante Ronaldo. 27-vjeçari ka treguar cilësi të jashtëzakonshme edhe në Botëror me Belgjikën, por pengesë deri tani është Chelsea që kërkon 225 milionë euro. Belgu e ka shprehur dëshirën e tij për t’iu bashkuar madrilenëve, por ky operacion mund të thej rekordin e Neymar i cili verën e shkuar iu bashkua PSG-së nga Barcelona.
Ndërsa sulmuesi i Tottenham, Harry Kane konsiderohet si sulmuesi më i mirë në botë, pasi shënoi 6 gola në Botërorin e Rusisë duke u shpallur dhe golashënues, po ashtu edhe në Premier League. Për 24-vjeçarin Reali thuhet se ka gati një ofertë që shkon diku tek 150 milione euro, por me shumë mundësi do të duhen më shumë për të bindur londinezët.
Portieri belg i Chelsea, Thibaut Courtois, konsiderohet si i duhuri për të mbrojtur portën në rast largimi të Keylor Navas, që mund të largohet gjatë merkatos së verës. Drejtuesit madrilenë janë të gatshëm të paguajnë 30 milionë për portierin e Belgjikës, që pritet t’i thotë po ofertës së klubit spanjoll.
