Një 32-vjeçar shqiptar është arrestuar në Itali për tentativë vrasjeje dhe përndjekje të ish-partneres së tij, pasi e ndoqi dhe e goditi me makinë në rrugën Taranto-Bari.
Karabinierët e Njësisë Operacionale në Massafra e kapën atë disa orë pas incidentit, ndërsa ai po përpiqej të largohej. Gruaja e goditur është dërguar në spitalin e San Pio në Castellaneta dhe është jashtë rrezikut për jetën.
Hetimet kanë zbuluar se motivi i krimit ishte xhelozia dhe mospranimi i ndarjes. Gjatë një dite para incidentit, i akuzuari dyshohet se kishte dhunuar dhe kërcënuar me jetë ish-partneren, duke vijuar përndjekjen edhe me telefonata dhe mesazhe. Ai është lënë në arrest shtëpiak nga gjykata dhe do të presë procesin e hetimit dhe gjykimit.
