Qyteti i Krujës u trondit pak pas mesnatës së 4 korrikut nga atentati mafioz me një të vdekur dhe dy të plagosur.
Atentati i porositur ndaj “të fortit” të Krujës, Gentian Bejtja, la të vdekur 29-vjeçarin Ramazan Sino (kunati i Bejtjas), si dhe mbetën të plagosur dy fëmijët e mitur të ish-policit me presedent penale. Sipas mediave mësohet se një nga fëmijët e Gentianit, 13-vjeçari Alvi Bejtja, ndodhet te Trauma në Tiranë, në gjendje të rënduar shëndetësore.
Në vendin e ngjarjes ku ndodhi atentati u gjetën mbi 30 gëzhoja.
Ndërkohë, ditën e djeshme policia bëri me dije se gjatë kontrolleve të ushtruara në zonë u bë i mundur shoqërimi i tre shtetasve, Durim e Valter Bali dhe Marklen Hoxha, pasi dyshohet se janë të përfshirë në ngjarjen kriminale.
Dum Bami, Valter Bami dhe Marklen Haka nuk janë emëra të panjohur për policinë dhe ndryshe ata njihen si të fortët e Niklës.
Gentian Bejtja, shënjestra e atentatit, më herët kishte kërkuar azil në Norvegji dhe Suedi, mirëpo këto kërkesa ju mohuan. Edhe më herët, Bejtja i shpëtoi dy atentateve të tjera, një në vitin 2016 dhe një tjetër në vitin 2022, ku u plagos në krah.
Kush është Gentian Bejtja, si i shpëtoi dy atentateve më herët:
Gentian Bejtja është një emër i njohur për policinë. Me 9 janar të vitit 2022 ai i shpëtoi një atentati në afëris të Niklës në Fushë-Krujë, ndërsa mbeti i plagosur miku i tij 31 vjeçar Klodian Stafuka që ishte me të në makinë në momentin e ngjarjes.
Gentjan Bejtja më 2016 i ka shpëtuar një atentati, me eksploziv. Bejtja ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013. Por po ashtu Bejtja, një ish- polic i burgut të Fushë- Krujës, është i njohur për policinë për precedentë penalë në krimet ndaj pronës.
Bejtja u bë i njohur me 26 shkurt të vitit 2013, një ditë pas vrasjes së kryekomisar Dritan Lamajt, në rrugën “Petro Korçari”, fare pranë banesës së tij. Ai së bashku me Enver Stafukën, u arrestuan nga policia, të dyshuar për vjedhjen e veturës BMë, e përdorur në vrasjen e kryekomisar Lamajt.
