Nëse vizitoni Mbretërinë e Bashkuar, do të shihni se vendasit i mbajnë lavamanët me nga dy çezma.
Me siguri kjo gjë do ju çudisë, megjithatë ka disa arsye që e shpjegojnë këtë traditë.
Në fakt janë 3 arsye përse vendasit i mbajnë lavamanët me 2 çezma.
Së pari: I mbajnë për arsye historike, pasi shumica e shtëpive britanike datojnë në shekullin e 19-të dhe në vitet e para të shekullit 20-të, para se të shfaqeshin përzierësit e ujit dhe rubinetat modernë.
Fillimisht, është aplikuar një sistem i thjeshtë hidraulik që dërgonte ujë të ftohtë direkt nga rrjeti në kuzhinë. Uji i nxehtë ishte shtuar më vonë, ndaras nga ai dhe kësisoj ishte krijuar sistemi me dy çezma.
Së dyti: Për të respektuar ligjin. Një ligj në Britaninë e Madhe e ndalon përzierjen e ujit të nxehtë dhe të ftohtë nga boljeri.
Në fakt, nuk ka ndonjë ngrohje qendrore në shtet dhe ekziston një tub i gazit në çdo shtëpi (të cilën britanikët e quajnë ngrohje qendrore). Më herët, ka qenë i obligueshëm një cilindër i veçantë si pjesë e boljerit. Por për shkak të ndryshkut dhe arsyeve të tjera, uji bëhej i dëmshëm për konsumim. Siç duket, kjo nuk i ndalonte njerëzit ta përzienin ujin dhe ishte e domosdoshme të prezantohej një ligj, i cili e ndalonte përzierjen e ujit të ftohtë, i përshtatshëm për konsumim, me ujë të nxehtë nga cilindri, shkruan gazeta Observer.
Së treti: Për arsye ekonomike, pasi kur përdorni dy çezma të ndara, i gjithë uji përzihet në lavaman në sasi të duhur dhe aty mund t’i lani duart. Kësisoj, ju e shpenzoni vetëm ujin të cilin e përdorni. Por, kur keni vetëm një çezmë, ju e hapni atë, caktoni temperaturën e duhur, e më pas filloni të lani duart, gjë që konsumon më shumë ujë.
