Kryeministri Rama dhe Presidenti Meta kanë uruar të gjithë shqiptarët me rastin e 28 Nëntorit, ditës së Pavarësisë.
Nëpërmjet reagimeve në rrjetin “Facebook”, kreu i shteti dhe kreu i qeverisë kanë uruar këtë festë të shënjuar.
Rama, ka publikuar një foto e realizuar në takimin mes qeverisë së Shqipërisë dhe të Kosovës në Pejë, dy ditë më parë.
Në foto shfaqet dora e Ramës dhe e kryeministrit të Kosovës, Ramush Haradinaj sipër flamurit kombëtar.
Ndërsa, Meta ka postuar një video nga takimi me nxënësit shqiptare të shkollës 9-vjeçare në Dacaj të Rozhajës.
“Gëzuar Ditën e Flamurit Kombëtar!??
Një urim të veçantë për çdo shqiptar kudo ndodhet, me këtë poezi, të recituar me shpirt, shumë dashuri dhe emocion nga dy nxënëse shqiptare të shkollës 9-vjeçare në Dacaj të Rozhajës.??:”, shkruan Meta. /TIRANA TODAY/
