Zinedine Zidane të enjten në një konferencë surprizë dha lajmin e papritur se kishte dhënë dorëheqjen nga Real Madrid edhe pse ishte në kulmin e suksesit. Menjëherë pas këtij konfirmimi nga Zidane, 23 nga 24 lojtarët Madrilen kanë shkruar fjalët e tyre falënderuese për teknikun Francez, për kohën që kanë kaluar me të gjatë këtyre dy vite e gjysmë.
I vetmi që ende nuk ka reaguar pas largimit të Zidane është Gareth Bale i cili nuk ka shkruar asnjë mesazh falënderues për Zidane në rrjetet sociale siç e bënë 23 bashkëlojtarët tjerë.
Cristiano Ronaldo që ka shkëlqyer nën drejtimin e teknikut francez, ku ka fituar edhe dy trofe të “Topit të Artë”, përveç nëntë trofeve që kanë arkëtuar në rang klubi. Me një postim në rrjetin social “Instagram”, Ronaldo ka nxituar të tregojë respektin për “Zizu”.
Krahas fotografisë së bashku, “CR7” shkroi: “Jam thjesht krenar që kam qenë futbollisti yt. Mister, faleminderit për kaq shumë…”
Kapiteni i “los blancos” ka reaguar me anë të një postimi në “Instagram” ku nuk i kursen aspak fjalët e mira dhe lëvdatat për francezin i cili në dy vite e gjysmë fitoi plot 9 trofe, mes tyre dhe tre Champions League radhas.
“Si lojtar, e tani si trajner vendose të largohesh kur je në majën më të lartë. Faleminderit për dy vjet e gjysmë të futbollit, punës, dashurisë dhe miqësisë. Ju largoheni, por trashëgimia juaj tashmë është e pashlyeshme. Një nga kapitujt më të suksesshëm në historinë e Real Madrid”, shkruante Sergio Ramos.
