Si asnjë herë më parë, Kongresi amerikan do të vijë këtë të enjte me një pamje ndryshe. Kjo pasi do të ketë një numër rekord të grave të cilat do të betohen. Gra myslimane dhe amerikane indigjene do të shërbejnë për herë të parë.
Shteti i Teksasit dërgoi dy anëtaret e para latine, ndërkohë dy kongresmene me ngjyrë vijnë nga rajoni i New England. Këto risi kanë ardhur nga të dyja partitë dhe të paktën një nga anëtaret do të jetë më e re se 30 vjeçe.
Kështu anëtarët e rinj të cilët do të shkojnë në Capitol Hill do t’i japin një frymë të re Kongresit. Klasa e re përfshin edhe shumë gra me fëmijë të vegjël. Së fundmi edhe kongresmenet femra kanë ngritur zërin e tyre, duke detyruar legjislacionin amerikan të rishikojë nevojat dhe të drejtat e anëtarëve të cilët veç detyrave zyrtare, i duhet të kujdesen edhe për fëmijët. Ndaj edhe Kongresi ka bërë të ditur se ka krijuar një rregullore të re sa i takon lehtësive për përkujdesjen e një fëmijë për gjithë punonjësit e Dhomës së Përfaqësuesve.
Lëvizja #MeToo solli një ndryshim thelbësor në Amerikë sa i takon pozicionit të grave në shoqëri. Ndaj, edhe muajin e kaluar Kongresi miratoi legjislacionin për të përmirësuar mënyrën se si Capitol Hill trajton ngacmimet seksuale.
Anëtaret e sapozgjedhura nuk kanë nguruar të ndajnë eksperiencën e tyre dhe në rrjetet sociale. Por, në një mënyrë që nuk jemi mësuar asnjëherë më parë.
Alexandria Ocasio-Cortez shfrytëzoi Instagram Lives për të folur me gjithë ndjekësit mbi politikën, vendimin për të qenë pjesë e Kongresit. Ndërkohë që gatuante makarona me djathë. Teksa nuk jemi mësuar më parë që politikanët të jenë jashtë kornizave, duket se ky vit, me siguri do të jetë viti i grave./ Përshtati: Tirana Today, Burimi: CNN
