Duket e pabesueshme, por kombëtarja e Gjibraltarit ka bërë paraqitje më të mira se Gjermania e drejtuar nga Joachim Low në vitin 2018. E marta që lamë pas do të shkruhet në historinë e Gjibraltar aty ku lojtarët vraponin si të çmendur nga gëzimi dhe tifozët ishin në delir në tribuna, për suksesin 2-1 ndaj Lihtenshtejnit.
Ishte fitorja e parë në shtëpi, në një ndeshje zyrtare, ndërsa për ta bërë edhe më historike ditën, ishte fitorja e dytë në harkun e tre ditëve, pas triumfit 1-0 në Armeni.
Nga “fëmijët” me të cilët talleshin të gjithë, Gjibraltari ka 6 pikë dhe ëndërron ngjitjen në Ligën C të Nations League, mision tepër i vështirë, por ëndrrat janë falas dhe presioni zero, titulli kampion bote është fituar nga Gjibraltari i vogël, me 34 mijë banorë dhe 22 humbje rresht në arenën ndërkombëtare. Deri javën e shkuar…
Full time
Gibraltar 2-1 Liechtenstein
That winning feeling twice in a week @UEFAEURO pic.twitter.com/zMQqq6pH3c
— Gibraltar FA (@GibraltarFA) October 16, 2018
Po Gjermania? Vetëm një fitore në vitin 2018, një turp i vërtetë për një ndër kombëtaret më të mëdha në botë. Triumfi me fat ndaj Suedisë në Kupën e Botës, me një gol të Toni Kroos në shtesë, nuk u pasua me fitore ndaj Koresë së Jugut dhe që atëherë rënia ka qenë e frikshme, edhe pse në Francë më në fund u pa lojë e mirë dhe mosha mesatare u ul ndjeshëm.
Në nëntor Gjermania do të presë Rusinë në miqësore dhe Holandën për Nations League: shansi ideal për të kaluar Gjibraltarin! Gjithnjë nëse liliputët e futbollit nuk çmenden sërish dhe mundin Armeninë në shtëpi apo Maqedoninë në transfertë…
