Ministri i Arsimit në Madagaskar, Rijasoa Andriamanana është shkarkuar nga detyra, pasi planifikoi të merrte më shumë se 2 milionë dollarë lëpirëse për nxënësit e shkollave.
Ministri tha se do t’i jepte nga tre lëpirëse secilit prej nxënësve për të hequr shijen “e hidhur” të një ilaçi bimor, të patestuar që përdornin ndaj koronavirusit.
Por ky plan i tij u kundërshtua nga presidenti i vendit, Andry Rajeolina. Ky i fundit është duke promovuar tonikun bimor ‘Covid-Organics’ si një kurë ndaj koronavirusit.
Pavarësisht paralajmërimeve të OBSH-së se ende nuk ekziston një kurë, mjaft vende të Afrikës vijojnë të importojnë këtë “ilaç”, duke besuar mund të ndihmojë në luftimin e koronavirusit.
Nga ana tjetër, edhe Akademia Kombëtare e Mjekësisë e Madagaskarit ka hedhur dyshime në efikasitetin e pijeve me bazë artemisia, duke thënë se ajo ka potencialin për të dëmtuar shëndetin e njerëzve.
Deri më tani, Madagaskari ka regjistruar 975 raste me COVID-19, prej të cilëve 7 persona kanë humbur jetën.
