E përditshmja greke “Kathimerini”, në një artikull të sotëm shkruan se të paktën 2 mijë qytetarë të Vorio-Epirit po përgatiten të shkojnë me autobusë në Bularat. Pra, në funeralin e 35-vjeçarit Kacifas, në fshatin Bularat në Gjirokastër pritet të shkojnë rreth 2 mijë shtetas grekë nga veriu i Greqisë.
“Të dhënat flasin për të paktën 2 mijë qytetarë të Vorio-Epirit, që përgatiten të shkojnë me autobusë në Bularat. Klima në minoritetin grek është përkeqësuar. Në të njëjtën kohë edhe një pjesë e madhe e shoqërisë shqiptare, duket se është pushtuar nga nacionalizmi”, shkruan “Kathimerini”.
Nga ky artikull ngrihen dyshimet nëse kjo ngjarje do të shënojë një “luftë” të re të ftohtë në marrëdhëniet mes dy shteteve fqinje.
Lidhur me këtë rast, një prononcim ka ardhur nga historiani Stavros Ntagios. Ai është i mendimit se ekziston rreziku që marrëdhëniet mes dy vendeve të kthehen 10 vjet pas.
“Ekziston rreziku që marrëdhëniet greko-shqiptare të kthehen prapa 10 vjet, për shkak të kësaj ngjarje”, ka thënë ai për të përditshmen greke.
Kujtojmë këtu faktin se avokati grek i familjes së 35-vjeçarit, ka bërë me dije se trupi i viktimës do t’i kthehet familjes ditën e martë.
Deklarata është bërë nga avokati Efthimios Navridis, i cili tha se kishte pasur komunikim me autoritetet shqiptare, dhe pritet që trupi të kthehet nesër.
https://tiranatoday.com/trupi-i-kacifas-do-dorezohet-tek-familjaret-e-ema-eshte-hero-i-vorio-epirit/
