Ashtu siç dyshohej, nga aksidenti i rëndë në Rrugën e Kombit kanë ndërruar jetë dy persona dhe tre të tjerë janë plagosur.
Aksidenti ndodhi pasditen e sotme në afërsi të Rubikut, në vendin e quajtur Fang. Në aksident janë përfshirë një mjeti tip Volkswagen Sharon, me targë AA 943 NP, si dhe mjeti tip Benz, me targë AA 182 TY.
Mësohet se viktimat janë dy shoferët, Jak Syla 63 vjeç dhe Myftar Kovaçi, 52 vjeç. Ndërsa të plagosura kanë mbetur shtetaset N.K, F.K dhe L.D.
Të plagosurat po dërgohen në Spitalin e Traumës. Paraprakisht dyshohet se shkak i aksidentit është bërë një parakalim i gabuar.
