Kishte korrupsion, por kishte edhe vetting. Bëhet fjalë për gati një shekull më parë, kur shoqëria shqiptare përballej me këtë fenomen, edhe në kohën kur ishte e pushtuar nga fashizmi italian. Qysh në atë kohë, në vitin 1939 kishte një proces vetting-u në Shqipëri. Një dokument i rrallë na dëshmon se procesi i vetting-ut është kryer qysh në vitin 1939, kur Shqipëria ishte nën regjimin fashist. Përmes një shkresë që iu drejtohej krerëve të institucioneve, kërkohej që të gjithë zyrtarët të hetoheshin për mënyrën se si i kishin vënë ata pasuritë, duke përllogaritur pagat e tyre. Shkresa zyrtare e Partisë Fashiste, i ndalonte zyrtarët e korruptuar që të vazhdonin detyrën e tyre, ndërkohë që të njëjtin ndëshkim merrnin edhe ata që shfaqeshin kundër regjimit fashist në Shqipëri.
Dokumenti
“Ju njoftojmë se Partia Fashiste Shqiptarë, për mospranim të nëpunësve me vijue ndër detyra shtetnore, ka marrë si bazë kryesisht dy kategori:
I- ata që kanë abuzue, gja e cila pos provave konkrete, del në shesh me pasuninat që mund ti kenë ba ma tepër se premtonte rroga e jetesa që kanë ba.
II- Ata që kanë spiunue kundra patriotëve e që kanë veprue për zbulimin e komploteve që u bajshin kundra ish-regjimit të Zogut. Për këto dy kategori e sidomos për ata nëpunës të naltë, nuk duhet me pasë aspak mëshirë.
Duhet me spastrue edhe ata që janë intriganta e kundër regjimit fashist”, shkruan hithra.al
