Një adoleshent humbi jetën në një aksident të frikshëm, ndërsa pozonte për një selfie në majën e malit. Fynley Jones, 18 vjeç ishte duke ecur me shokët e shkollës kur ata ndaluan për të bërë foto në majën e malit Pen-Pych në Uells.
Një ekzaminim pas vdekjes zbuloi se Fynley, i cili pëlqente alpinizmin, sërfin dhe skateboarding, vdiq nga një “lëndim i mprehtë në kokë”.
Ndihmës mjekja ligjore Rachel Knight tha: “Fynley kishte qenë së bashku me një grup shokësh të shkollës, duke bërë fotografi në majë të malit. Fynley vendosi të pozonte për fotografi në majën e malit që ishte e pasigurt dhe fatkeqësisht këmba i rrëshkiti dhe u rrëzua.
“Rënia ishte e konsiderueshme dhe Fynley pësoi lëndime fatale”.
Burimi i lajmit: THE SUN. Përshtatur nga Tirana Today
