Shumë familje shqiptare ndodhen në gjendje të mjerë, ndërsa prindërit po detyrohen t’u ndërpresin fëmijëve shkollimin për shkak të gjendjes së tyre ekonomike.
I tillë është një rast në Cërrik, ku deputeti Luçiano Boçi ka vizituar dy familje, familjarët e të cilave kanë ndarë me të hallet e përditshme më të cilat përballen.
Në postimin e Boçit, deputeti shkruan se vajza 16-vjeçare e familjes Jonuzi ka braktisur gjimnazin për t’u punësuar, ndërsa kryefamiljari po mendon të heqë nga shkolla dy fëmijët e tjerë pasi nuk ka lekë për t’u dhënë që ata të blejnë diçka në shkollë.
POSTIMI I BOÇIT:
MJERIMI KËMBËKRYQ
QEVERIA I KRYQËZON
Ne Cërrikun e mijëra varfërive.
Njerëzit janë të revoltuar.
Agron Jonuzi
5 veta në shtëpi.
U është hequr ndihma ekonomike pa asnjë arsye.
Nga “sistemi” dmth!
Për këtë arsye vajza 16 vjeçare ka braktisur gjimnazin per t’u punësuar megjithëse nën moshën e lejuar.
Agroni deklaron se as fëmijët e tjerë, vajzën në klasë të tetë e as djalin në klasë të katërt, nuk do më t’i dërgojë në shkollë:
“Dua t’i heq sepse nuk kam asnjë lek t’i jap të kenë për të blerë diçka, për të ngrënë në pushim – deklaron ai.
Lista e detyrimeve veresie është shtuar shumë.
“Dua të largohem nga Shqipëria – shton”
Jetojnë me pension 104 mije lekë të vjetra të nënës që e përfiton nga babai i vdekur.
Nusja e sëmurë rëndë nuk kurohet dot.
Xhevair Hamiti
Shtatë veta në familje. Dy kurora në një dhomë e guzhinë.
Asnjë nuk punon nga katër në moshë për punë.
Pa mundësi për të paguar drita e ujë të cilat i ka me detyrim me aktmarrëveshje që do të thotë plus 10.000 lekë më shumë cdo muaj.
I sëmurë, pa ilace, pa ushqime.
Asnjë arsye pse është hequr.
“Për shkak të pikëzimit-i thonë”
