Të debutosh në skuadrën e parë në Angli, në futbollin profesionist është mjaft e vështirë, pasi mënyra e lojës atje është mjaft intensive dhe kërkohen shumë muskuj. Por e marta ka qenë dita speciale për tu bërë debutimi special për një djalosh 15-vjeçar i cili ditën e ka nisur duke shkuar në shkollë për sezonin e ri.
Luke Matheson është futbollisti më i ri nga i cili kanë hedhur sytë skuadrat më në zë të Premier League. Ai është vetëm 15-vjeç dhe është pjesë e klubit të Rochdales në Angli, por pasi ka mbaruar shkollën dhe ka shkuar në stërvitje ka marrë një lajm shumë të bukur, pasi ishte grumbulluar nga ekipi i parë në ndeshjen kundër Bury.
Start back school on Tuesday after the summer holidays
Make your first team debut aged 15 the same evening
Be part of a 2-1 win over local rivals
Receive the Man of the Match award
Become the club's youngest ever debutantCongrats, Luke Matheson!#RAFC pic.twitter.com/bo0SyZQ0eP
— Rochdale AFC (@officiallydale) September 5, 2018
Në fakt gjërat pozitive nuk kanë patur fund. Vetëm 13 minuta në stol dhe një dëmtim i Randall bëri që 15-vjeçari të debutonte në futbollin profesionist. Ai nuk zhgënjeu, madje shkëlqeu, duke u shpallur lojtari i ndeshjes në fundin e takimit. Disa nga lojtarët në fushën e lojës ndoshta ishin në moshën e babait të tij, por në fund ishte Luke që shkëlqeu.
Në fund ekipi i tij ka fituar me rezultatin 2-1 ndeshjen dhe Luke është shpallur më i miri. Në të njëjtën kohë 15-vjeçari është bërë edhe futbollisti më i ri që debuton në skuadër. Ka mjaftuar kaq që klubet e mëdha të “Premier League” me në krye Manchester United e Chelsea të interesohen për lojtarin, shkruajnë mediat angleze.
