Rrëshqitjet e tokës më të mëdhatë në historinë e Bangladeshit, që goditën dje këtë vend shkaktuan të paktën 146 të vdekur, dhe dhjetëra të zhdukur.
AFP raporton për një situatë kaotike ku banorët e fshatrave në mungesë të mjeteve janë të detyruar të gërmojnë me lopata për të nxjerrë trupat e viktimave të mbuluar nga dheu e balta. Vendbanimet e tyre u përfshinë nga dherat që rrëshqitën natën ndërsa ata flinin.
Autoritetet thonë se qindra shtëpi u mbuluan nga balta dhe rrënojat e tyre përfunduan përgjatë kodrave pas reshjeve të pazakonta të shiut që arritën në 343 milimetra në juglindje të vendit.
