Kreu i Bashkimit Demokratik për Integrim, Ali Ahmeti në kuadër të festave të nëntorit dhe 105-vjetorin e shpalljes së pavarësisë së Shqipërisë, ka mbajtur një fjalim për nder të kësaj dite të shënuar në të gjithë trojet shqiptare.
Në fjalimin e tij Ahmeti ka theksuar se përpjekjet e shqiptarëve në formimin dhe konsolidimin e shtetin nuk reshten asnjëherë edhe në ditët më të vështira për kombin shqiptar. Ai tha se periudha e shpalljes së pavarësisë dhe flamuri kombëtar, mbajtën gjallë shpirtin dhe palcën e kombit tonë. Por tani përgjegjës për të ardhmen jemi ne shqiptarët sesi do i drejtojmë gjërat. Duke parë se partitë shqiptare në Maqedoni janë të ndara e ardhmja nuk do jetë dhe aq e mirë.
“Historia e jonë e bujshme e lavdishme nuk u mposht, nuk u harrua nga bijtë, bijat e veta, tani ndryshimet i bëmë vetë, luftën e bëmë vetë, u jemi mirënjohës miqve tanë ndërkombëtarë, NATO-s, BE-së SHBA-së për ndihmën e përkrahjen për të drejtën e mohuar me shekuj për ne shqiptarët, ne fituam luftën për liri dhe në diplomaci dhe politikë, tani përgjegjës për të ardhmen jemi ne shqiptarët sesi do i drejtojmë gjërat”-ka thënë kreu i BDI, Ali Ahmeti.
