Japonia është e vendosur të blejë 100 avionë të tjerë luftarakë F-35 nga SHBA-të. Lajmi vjen pasi Presidenti i SHBA Trump i kërkoi Tokios që të blejë më shumë pajisje ushtarake.
Japonia më parë ka nënshkruar një marrëveshje për 42 avionë. Por tani ka vendosur që të blejë një shtesë prej 100 F-35 për një vlerë prej 8.8 miliardë dollarë.
Sipas Trump, investimi në armë amerikane do të sillte “shumë punë për amerikanët, dhe shumë siguri për Japoninë”.
Japonia shpreson se ‘aeroplanët e rinj’ do të zëvendësojnë flotën e saj të vjetër të F-15.
Një grup ushtarakësh amerikanë akuzuan në gusht Pentagonin për fshehjen e defekteve “të rrezikshme” për projektin F-35.
Megjithatë, Japonia nuk është i vetmi komb që po tregon entuziazëm për aeroplanët F-35. Britania e Madhe njoftoi në mes të nëntorit se do të blinte 17 F-35 nga SHBA-të. Deri në vitin 2022 Britania pretendon të blejë 35 aeroplanë F-35. Ashtu si Japonia, Britania e Madhe më parë ishte nxitur nga Uashingtoni për të rritur shpenzimet e mbrojtjes. TIRANA TODAY
