Këtë muaj fokusohuni te familja juaj, jini të sjellshëm me të tjerët dhe shijoni gjithçka që ju sjell gëzim, madje edhe gjërat e vogla. Plani juaj i të vepruarit është një listë mujore me 10 këshilla që mund të bëni për të përmirësuar veten dhe jetën tuaj.
- Dëgjo
Lumturia qëndron te pasioni, vendosja e qëllimeve dhe cilësimi i aftësive. A jeni në pozitën më të mirë për të pasur sukses? Merrni pak kohë për të reflektuar se ku keni qenë, ku jeni dhe ku e shihni veten duke shkuar.
- Vazhdo të ecësh përpara
Kur dështoni në diçka, ju e keni të lehtë të humbisni gjërat që keni arritur gjatë rrugës. Filloni të shënoni çdo gjë që keni realizuar gjatë rrugës suaj. Lexojini ato kur ndiheni të demotivuar.
- Shiko pas
Historia përsëritet. Kthimi pas mund të na ndihmojë të ecim përpara. Telefononi dikë më të vjetër se ju dhe pyeteni. Dëgjojeni për të kuptuar nga ato që thotë, jo për t’u përgjigjur.
- Kënaqe veten
Nuk ka të bëjë me shpenzimet e kota. Thjesht shpërbleheni veten pasi arrini objektivat e vendosura, kaloni pak kohë me një mik të vjetër ose regjistrohuni në atë palestrën që zakonisht e keni konsideruar të shtrenjtë.
- Informohu për shëndetin
Historia shëndetësore familjare nuk është thjesht lista e lodhshme në dhomën e mjekut. Është një mënyrë për të planifikuar të jetoni një jetë më të shëndetshme. Telefononi familjen tuaj dhe informohuni.
- Familja e para
Kur ju i hidhni një sy jetës suaj, ju më shumë se çdo gjë tjetër do të kujtoni marrëdhëniet tuaja me njerëzit. Bëni një listë të njerëzve dhe marrëdhënieve që ju duhet të përmirësoni. Kushtojini kohë atyre.
- Ji mirënjohës
Mirënjohja nuk është vetëm një falënderim. Është ajo që paguani për dhuratat që ju kanë bërë. Shkruani tre pikat e tua të forta dhe reflektoni se si mund t’i përdorni ato për të ndihmuar të tjerët.
- Shijoni çdo gjë
Reflektimi është rivlerësimi i asaj që me të vërtetë ka rëndësi në jetën tuaj. Ndërkohë që po shkruani, vizatoni një yll të vogël pranë çdo gjëje që ju ka bërë të lumtur. Rishikojini ato rregullisht.
- Kërko mendime
Ne nuk e shohim gjithmonë veten aq qartë sa duhet. Këtë javë, kontaktoni pesë njerëzit tuaj më të afërt dhe pyetini se ku shohin mundësi përmirësimi në jetën tuaj.
- Ngadalëso ritmin
Megjithëse do t’ju marrë një farë kohe, përqendrohuni të pushoni diku me një stilolaps dhe një letër në dorë. Gjeni një moment për të vlerësuar këtë dhuratë të një pushimi të shkurtër në një botë të ngarkuar. (TIRANA TODAY)
