Ne mendojmë se dimë gjithçka rreth planetit tonë, por e kemi gabim. Shkencëtarët kanë zbuluar shumë për Universin, por duket se ka ende shumë për të zbuluar rreth këtij planeti.
Everesti nuk është mali më i lartë në botë
Havai Mauna Kea ka një lartësi prej 4,205 m mbi nivelin e detit. Por pjesa më e madhe e vullkanit qëndron nën nivelin e detit. Nëse matet nga baza në majë, Mauna Kea është 10,203 m e lartë, që do të thotë se është 1,355 m më e lartë se mali Everest.
Atmosfera e Tokës ka kufij
Kármán është pranuar ndërkombëtarisht si kufiri 100 km mbi nivelin e detit. Edhe pse niveli i atmosferës së Tokës mbaron shumë më lart, kjo linjë u njoh nga Federata Botërore e Sporteve Ajrore si kufiri midis atmosferës dhe hapësirës së jashtme.
Vendi më i thatë i Tokës gjendet në Antarktik
Besohet se vendi më i thatë në Tokë është shkretëtira e Atacamës në Kili, që nuk ka pasur reshje shiu për mijëra vjet. Por në luginat McMurdo Dry në Antarktik nuk ka rënë shi për gati 2 milion vjet. Erërat këtu mund të arrijnë shpejtësi 320 km / h.
Uji i freskët përbën vetëm 3% të të gjithë ujit në Tokë
Oqeanet dhe detet mbajnë 97% të ujit të Tokës, por uji i kripur i oqeanit nuk është i përshtatshëm për tu pirë. Pjesa e mbetur prej 3% e ujërave të ëmbla totale mbahet në akullnajat (70%) dhe në liqenin Baikal (20%).
Tempulli më i vjetër në botë është 12,000 vjet
Göbekli Tepe, tempulli më i vjetër ndodhet në Turqinë jugore. Studiuesit besojnë se gdhendjet në shtylla janë realizuar 11.000 vjet më parë, pas një goditje komete që shkaktoi një rënie të papritur të temperaturës në planetin tonë.
Hëna dikur ka qenë pjesë e Tokës
Shkencëtarët suedezë thonë se rreth 4.36 miliardë vjet më parë planeti Tokë u përplas me objektin hipotetik, duke formuar një satelit të vetëm të përhershëm natyror të Tokës.
Pas 250 milion vitesh kontinentet do të ribashkohen
Siç e dimë, Pangea, një superkontinent që ekzistonte 335-175 milionë vjet më parë, u nda në dy kontinente të ndryshme, duke formuar Laurasia dhe Gondwana. Më vonë, të dy u ndanë për të formuar të gjitha shtatë kontinentet.
Por shkencëtarët besojnë se kontinentet do të grupohen së bashku përsëri në 250-300 milionë vjet të ardhshme dhe do të bëhet një superkontinenti i vetëm i quajtur Pangea Ultima.
Një organizëm njëqelizor shkaktoi zhdukjen e parë në masë
Shkencëtarët e Institutit të Teknologjisë të Massachusetts pohojnë një teori që shpjegon zhdukjen masive të pothuajse 90% të krijesave të gjalla në Tokë. Një baktere me emrin Methanosarcina papritmas lulëzoi në oqeane 252 milionë vjet më parë, duke shkaktuar zhdukjen në masë.
Shumica e planetit qëndron gjithmonë në errësirë
Siç e dimë, Oqeani Botëror zë 71% të sipërfaqes së planetit. Thellësia e ujit të ekspozuar ndaj dritës së diellit nuk është më shumë se 200 m, kështu që pjesa tjetër e ujit është përgjithmonë në errësirë. Prandaj, shumica e planetit tonë qëndron në errësirë në çdo kohë të ditës.
Shtetet fqinje mund të kenë një ndryshim kohor prej 24 orësh
Edhe pse Samoa Amerikane është vetëm 2,000 km larg nga Ishujt e Linjës që janë pjesë e Kiribatit, diferenca kohore ndërmjet dy vendeve fqinje është 25 orë. (TIRANA TODAY)
