Autoritetet amerikane janë vënë në lëvizje, madje kanë vendosur një shumë kundrejt informacioneve që mund të jepen ndaj një personi me rrezikshmëri të lartë. Është Departamenti anti-terrorist i Amerikës, i cili ka nxjerrë sot një ofertë për këdo që ka informacione mbi vendndodhjen e djalit të Osama bin Laden, Hamza bin Laden.
Shuma që ofrohet nga autoritetet amerikane është 1 milion dollarë. Hamza bin Laden u ka kërkuar të gjithë besimtarëve myslimanë që të sulmojnë Amerikën, dhe aleatët e tyre kudo në botë, përmes një audio të lëshuar në internet.
Amerikanët thonë se Hamza përbën një rrezik të madh, dhe kërkojnë informacione për vendndodhjen e terroristit.
30-vjeçari Hamza Bin Laden rezulton të jetë vendosur në krye të përpjekjeve për riorganizimin e Al-Kaedës, organizatës terroriste përgjegjëse për sulmet ndaj kullave binjake të 11 Shtatorit 2001.
Kohët e fundit, ai ka lëshuar disa regjistrime audio, ku i bëhet thirrje militantëve të sulmojnë kudo që munden, Shtetet e Bashkuara dhe aleatët perëndimorë.
Sipas informacioneve të fundit, lideri mysliman ndodhet midis kufirit të Pakistanit dhe të Sirisë.
