Arrestohen dy shtetas grekë, pas kapjes së 1.5 tonë marijuanë me gomone në Itali, pak ditë më parë.
Ata janë arrestuar në orët e para të mëngjesit, duke çuar në 9 numrin e të arrestuarve, ndër të cilët 5 janë shqiptarë.
Në banesën e grekëve, policia ka zbuluar 10 mijë euro, ndërsa të arrestuarit konsiderohen pjesë e një grupi kriminal të trafikut të drogës Shqipëri-Itali.
Grupi është marrë me përgatitjen e një gomoneje në fillim të prillit, e cila ishte magazinuar në Athinë. Më 6 prill, gomonia është pikasur nga helikopteri i policisë greke, teksa drejtohej bosh për në brigjet shqiptare, shkruan BalkanWeb.
Gomonia e ngarkuar është nisur pas një ore drejt brigjeve italiane. Menjëherë është njoftuar pala italiane, e cila ka pikasur gomonen në jug të Italisë, duke shkarkuar drogën, dhe pastaj është nisur për kthim me shpejtësi të lartë.
Fillimisht gomonia është ndjekur nga pala italiane dhe më pas nga ajo greke. Ajo u ndalua në zonën detare Tainaro të Greqisë, nga një skuadër snajperash, që ndodhej në helikopterin e policisë greke.
