53.912 është numri i refugjatëve që janë futur në Evropë, në rrugë detare, që nga fillimi i këtij viti, dhe 1.316 kanë gjetur vdekjen në Mesdhe gjatë përpjekjeve për t’u larguar nga territoret në konflikt në Lindjen e Mesme.
Siç raporton Organizata Ndërkombëtare për Migrim (IOM), pothuajse 85%, ose 45.118 e refugjatëve kryesisht sirianë, është regjistruar në Itali. Nëse krahasojmë numrin refugjatëve që i janë drejtuar vetëm Italisë në vitin 2016, me të njëjtën periudhë të këtij viti, vërehet rritje e konsiderueshme. Gjatë së njëjtës periudhë të 2016-ës, në Itali u regjistruan 32.292 refugjatë, ose 12.826 më shumë.
Komisioneri Evropian për Emigracionin, Dimitris Avramopoulos bëri thirrje për gjetjen e një zgjidhjeje sa më të shpejtë dhe efektive.
