Lamini Fati është përforcimi i parë i ri i Real Madridit në këtë merkato dimërore: 18-vjeçari ka firmosur një kontratë që e lidh me Real Madridin, duke forcuar fillimisht ekipin e të rinjve të “Los Blancos”, pasi i dha lamtumirën Leganés.
“Jam shumë i lumtur që kam firmosur për klubin më të mirë në botë, Real Madridin. Kjo është një ëndërr e bërë realitet për mua dhe familjen time. Faleminderit të gjithëve që e bënë këtë të mundur. Jam gati të jap gjithçka për këtë klub. Hala Madrid!”, tha mbrojtësi qendror 18-vjeçar në Instagram.
Ja njoftimi zyrtar i klubit madrilen:
“C.D. Leganés dhe Real Madrid C.F. kanë rënë dakord për transferimin e lojtarit Lamini Fati, 18 vjeç. Produkt i akademisë së ‘blanquiazul’, ai do të largohet nga ekipi i Leganés për të vazhduar karrierën e tij te skuadra e bardhë. Lamini iu bashkua Leganés në kategorinë e fëmijëve, duke kaluar nëpër të gjitha skuadrat e akademisë. Në sezonin 2023/24 ishte pjesë e Juvenil ‘A’, që përfundoi Ligën e División de Honor në vendin e tretë dhe arriti çerekfinalet e Copa del Rey për të rinj. Në këtë sezon, me ekipin B të Leganés ai ka luajtur më shumë se 900 minuta, duke shënuar një gol në javën e 13-të të Tercera Federación. Klubi i uron fatin më të mirë në këtë fazë të re të karrierës së tij.”
