Studiues zviceranë të universitetit të Gjenevës dhe atij të Bazelit, kanë arritur të krijojnë viruse artificiale që alarmojnë sistemin imunitar dhe e nxisin atë të dërgojë qeliza vrasëse kundër kancerit.
Prej disa vitesh aplikohen terapi që stimulojnë mbrojtjen e trupit me viruse në luftën kundër tumorëve, por të drejtosh qelizat imunitare ekskluzivisht kundër atyre kancerogjene, është një objektiv që deri tani nuk ishte arritur asnjëherë.
Grupi i shkencëtarëve, nën drejtimin e Doron Merkler dhe Daniel Pinscheëer, kanë prodhuar viruse artificial, bazuar në një sëmundje minjsh që mund të transferohet edhe tek njeriu.
Në virus kanë vendosur proteina të njëjta si ato të qelizave të kancerit, cka i mundësojnë sistemit imunitar që t’i njohë si të rrezikshme.
Kombinimi i sinjalit të alarmit me proteina tumorale ka shkaktuar krijimin e një ushtrie me qeliza vrasëse, ose limfocitet T, që arritën më pas të identifikojnë dhe shkatërrojnë qelizat e vërteta kancerogjene.
