Zëvendëskryetari i Bashkisë së Kukësit, Granit Gjana është paraqitur këtë të premte në Prokurorinë e Posaçme kundër Korrupsionit dhe Krimit të Organizuar. Bëhet me dije se Gjana do të pyetet nga prokurorët e SPAK si person që ka dijeni për video-skandalin e Safet Gjicit.
Pak më herët gjatë ditës së sotme edhe ish-ministrja e Financave Anila Denaj u paraqit në SPAK, ku u pyet lidhur me hetimet që janë duke u kryer për tenderin e sterilizimit në Ministrinë e Shëndetesisë. Ajo pritet të japë sqarime si person që ka dijeni.
Kujtojmë se rreth dy muaj më parë ish-kryebshkiaku socialist, Safet Gjici u përshi në një skandal, pas videoseksuale në zyrën e Bashkisë, e publikuar në rrjete sociale, ku shfaqej duke kryer marrëdhënie seksuale me shtetasen Alma Kaci. Aktualisht Gjici ndodhet në paraburgim në masën e sigurisë “arrest me burg” për akuzën e korrupsionit pasiv, ndërsa Alma Kaci po hetohet në gjendje të lirë për akuzën korrupsion pasiv.
