Mbrëmjen e sotme (13 janar), rreth orës 18:30, në repartin e kirurgjisë në Spitalin Rajonal të Shkodrës ra zjarr në një nga dhomat e mjekëve.
Sipas policisë dyshohet se shkak është bërë një shkëndije elektrike, ndërsa për fat të mirë ka pasur vetëm dëme materiale.
Në lidhje me ngjarjen ka reaguar edhe kryebashkiaku, Benet Beci, i cili shprehet se zjarri është izoluar dhe falë informimit dhe ndërhyrjes së shpejtë, u shpëtuan pacientët dhe stafi në detyrë.
Reagimi i plotë:
Zjarri i rënë në repartin e kirurgjisë në Spitalin e Shkodrës mbrëmjen e sotme, është izoluar.
Shpejtësia në informim e ndërhyrje bëri që flakët e zjarrit të izolohen, duke shpëtuar pacientët dhe personelin në detyrë.
Mirënjohje forcave të zjarrfikëses.
📸 Look at this post on Facebook https://www.facebook.com/share/SSmTLwn1o6gXHHSp/?mibextid=WC7FNe
