Fillimisht zjarri dyshohet se ka rënë aksidentalisht në banesën e një 80-vjeçari me inicialet A. B. Më pas mësohet se flakët janë përhapur edhe në banesat ngjitur.
Mbrëmjen e sotme është raportuar për një zjarr masiv në lagjen nr. 4 në Pogradec. Në lidhje me ngjarjen ka ardhur edhe reagimi i policisë. Përmes një njoftimi zyrtar policia bën me dije se zjarri ka rënë rreth orës 21:25.
Fillimisht zjarri dyshohet se ka rënë aksidentalisht në banesën e një 80-vjeçari me inicialet A. B. Më pas mësohet se flakët janë përhapur edhe në banesat ngjitur. Policia thekson se banorët janë evakuar të gjithë.
Fatmirësisht nga zjarri ka vetëm dëme materiale dhe jo në njerëz. Vijon puna intensive për neutralizimin e përhapjes së zjarrit dhe shuarjen e plotë në banesat e përfshira nga flakët.
Njoftimi i policisë:
Pogradec/Informacion paraprak. Rreth orës 21:25, në lagjen nr. 4 Pogradec, dyshohet se aksidentalisht ka rënë zjarr në banesën e shtetasit A. B., 80 vjeç. Si pasojë e zjarrit, janë përfshirë dhe banesat ngjtur me banesën që ra fillimisht zjarri.
Shërbimet Policisë dhe zjarrfikësit kanë ndërhyrë menjëhere për evakuimin e banorëve dhe për shuarjen e zjarrit. Nga rënia e zjarrit ka vetëm dëme materiale, ndërsa banorët janë evakuuar të gjithë.
Vijon puna intensive për neutralizimin e përhapjes së zjarrit dhe shuarjen e plotë në banesat e përfshira nga flakët. Grupi hetimor nën drejtimin e Prokurorisë po punon për përcaktimin e saktë të shkakut të rënies së zjarrit.
