Pas një pune të pandërprerë të Forcave të Armatosura, është arritur të vihet nën kontroll zjarri në malin e Krastës në Elbasan.
Aktualisht, forcat zjarrfikëse dhe strukturat e përfshira në operacion po vijojnë punën intensive për izolimin e plotë dhe shuarjen përfundimtare të vatrave të mbetura. Terreni është nën monitorim të vazhdueshëm për të parandaluar çdo riaktivizim të mundshëm për shkak të erës.
Në këtë operacion u angazhuan 12 efektivë të Forcave të Armatosura dhe një mjet zjarrfikës nga Detashmenti i Mbrojtjes Rajonale Mengël, Elbasan.
