Pas njoftimit të marrë në vendngjarje kanë shkuar grupet e shërbimeve zjarrfikëse dhe policia. Zjarri ka rënë sot në një banesë në Qafën e Kalasë në Berat.
Si pasojë e zjarrit është djegur kuzhina e banesës, ndërkohë që zonja e shtëpisë ku ra zjarri, Ëngjëllushe Kokoshi, ka pësuar djegie të lehtë në këmbë dhe po mjekohet në Spitalin Rajonal të Beratit.
Zjarri është vënë shpejt në kontroll nga zjarrfikësit, të cilët kanë bërë të mundur edhe shuarjen e flakëve të zjarrit që kishte rënë në kuzhinën e banesës. Sipas zjarrfikësve në vendngjarje, shkak për zjarrin është bërë rrjedhja e gazit në sobën me gaz.
