Një zjarr i madh ka rënë në ishullin grek, Evia, ndërsa policia dhe zjarrfikëset kanë shkuar në vendngjarje. Erërat e forta kanë bërë të pamundur shuarjen e zjarrit, duke i ndihmuar flakët të përhapen edhe më shume. Banorët e dy fshatrave janë evakuuar.
Mediat greke raportojnë se zjarri ka nisur në zonën Kondospoti të komunës së Dirphion, në një zonë pyllëzuar me pisha të dendura.
Autoritetet kanë dhënë menjëherë urdhrin për evakuimin e 250 banorëve në fshatin Stavros. Autoritetet greke kanë bërë të ditur se 62 zjarrfikës, me 28 automjete dhe katër helikopterë po punojnë për të lokalizuar flakët, të cilat janë duke u favorizuar nga era e fortë që është duke fryrë në këtë zonë
Pak ditë më parë, zjarri i rënë në Athinë i mori jetën dhjetëra personave, dhe shumë të tjerë mbetën të lënduar.
