Gareth Bale u stërvit së bashku me gjithë ekipin, në seancën e fundit stërvitore. Mjekët dhanë dritën jeshile për aktivizmin e tij në “El Clasico”, por këtë Zidane e ka me shumë frikë.
Këmbët e Bale janë të sapoardhura nga një dëmtim, i cili dukej se do i merrte më shumë kohë uellsianit. Kjo gjë e tremb teknikun francez, i cili mendon për fazën kyçe të gjithë sezonit.
Sapo dyshimi i Zinedin Zidane u vërejt nga mediat, të gjithë tifozët madrilen vërshuan në rrjetin social Facebook, duke i kërkuar teknikut aktivizimin e Isco. Lojtari 25-vjeçar spanjoll po kalon një formë të shkëlqyer, pavarësisht minutave të paktë në dispozicion.
