Trajneri i madrilenëve, Zinedine Zidane, ka dalë në një konferencë për shtyp, ku ka shprehur frikën e tij për gjendjen e uellsianit dhe kënaqësinë që i dhuroi fitorja ndaj Bayernit në “Alianz Arena”.
“Të mërkurën patëm një mbrëmje fantastike, të gjithë ishin të mrekullueshëm. Bale na prishi humorin teksa u dëmtuar, por ai do të kthehet shpejt, pasi dëmtimi i tij nuk është serioz”, – deklaroi tekniku francez.
Të mërkurën Reali i Madridit përmbysi avantrazhin 1-0 të Bayernit të Mynihut, falë dy golave të Ronaldos, i cili arriti kuotën e 100 golave në rang evropian. Por, gjatë kohës kur ndeshja ishte 1-1, Bale ndjeu disa dhimbje. Zidane nuk u mendua gjatë, pasi nuk hezitoi ta zëvendësonte, duke futur Asension.
Bale nuk mendohet të ketë diçka shumë serioze, por serioze është situata e sezonit, pasi i presin 3 ndeshjet vendimtare. Sporting Gijon në kampionat dhe, më pas, dy superfidat Bayerni e Barcelona. E vetmja shpresë e Realit të Madridit mbetet përmirësimi i Bale, pasi dhe Asenso është në një formë të mirë, por ndeshjet e ardhshme kërkojnë një intensitet të lartë.
Gjithsesi, Zidane ka treguar që të tilla situata ka ditur t’i menaxhojë, pasi në “Camp Nou” arriti të marrë një barazim pa Bale.
