Mbrëmjen e djeshme bota e muzikës është tronditur nga ndarja e parakohshme nga jeta e reperit Prodigy.
Ai njihej me emrin e grupit Mobb Deep, ku ishte njëri prej dy pjesëtarëve, ndërsa raportohet se vdekja ka ardhur për shkaqe natyrale.
Reperi ishte shtruar prej javësh në spital, pasi kishte probleme me gjakun dhe po trajtohej intensivisht nën një dozë të lartë medikamentesh.
Duket se trupi i tij nuk ka mundur ta përballojë sëmundjen, pasi mbrëmë 42-vjeçari u nda nga jeta duke lënë pas dhimbje të madhe te familja, kolegët, miqtë dhe fansat.
Shumë reperë e miq të tij kanë shkruar në rrjetet sociale duke e cilësuar atë si një ikonë të hip-hopit, që do jetë gjithnjë gjallë në historinë e kësaj muzike.