Në Gjykatën e Posaçme u zhvillua këtë të enjte seanca paraprake për ish-kreun e ARRSH, Evis Berberi, si dhe të pandehur të tjerë të këtij procesi.
Berberi kundërshtoi akuzat e SPAK dhe, nëpërmjet avokatëve të tij, pretendoi se dyshimet për korrupsion dhe pastrim parash “nuk provohen me prova konkrete”.
Mbrojtja kërkoi nga gjykata të vlerësojë mundësinë e kthimit të çështjes për hetim të mëtejshëm. Në rast se ky kërkim nuk do të pranohet, avokatët kërkuan që gjykimi të vijojë me procedurë të shkurtuar.
Evis Berberi është nën hetim që prej marsit 2024, kohë kur edhe u arrestua.
