“Zhegra krenar me ty”, ja reagimi i Shaqirit për fshatin e lindjes

Golat e shënuar kundër Serbisë në Botëror dhe festa pas shënimit nga Xherdan Shaqiri e Granit Xhaka i kanë bërë ata njerëzit e momentit në çdo vend ku ka shqiptar. Por festa më e madhe është bërë në fshatin e lindjes së Shaqirit, në Zhegra të Gjilanit. Festa aty ka qenë shumë e madhe dhe në hyrje të fshatit shfaqet një banderolë ku ndodhet foto e Shaqirit me mbishkrimin “Zhegra krenar me ty”.Përmes një postimi në “Instagram”, Shaqiri ka falënderuar vendlindjen e tij duke shpërndarë pikërisht foton në fjalë dhe shkruan : “Flm Zhegra”. Kjo e shoqëruar me një foto e Xherdani duke festuar me shqiponjë ku duket një banderolë me mbishkrimin: “Krenari e Kombit. Zhegra krenare me ty” .