Sot ka ndodhur një ngjarje tragjike, pasi një aeroplan ka humbur gjurmët dhe është zhdukur nga radarët. Në këtë aeroplan ndodhej edhe Emiliano Sala, sulmuesi argjentinas i cili do të bashkohej me skuadrën e re të Cardiff, në Premier League.
Aeroplani që po udhëtonte nga Franca në drejtim të Cardiff nuk ka arritur në destinacion, dhe autoritet nuk kanë informacionet e plota për këtë çështje.
Të rejat e fundit nga policia e Guernsey fillimisht bëjnë të ditur se kërkimet për aeroplanin janë ndalur në orën 17:00, dhe do të rifillojnë nesër me lindjen e diellit.
Ata kanë konfirmuar deri më tani se janë parë disa objekte duke notuar mbi ujë, duke lënë mundësinë e hapur se aeroplanin është përplasur në ujë.
Kërkimet nuk kanë gjetur asnjë nga anëtarët që ishin të pranishëm në aeroplan, as Emiliano Sala.
Policia e Guernsey gjithashtu kanë thënë se sonte nuk do të ketë më të reja rreth kësaj çështje.
