Prej disa ditësh, Fatmir Sulovari dhe Leonard Thodhori rezultojnë të zhdukur. Famijarët i bëjnë apel strukturave shtetërore për gjetjen e tyre.
Duke qënë se ndihma nuk po i vjen nga shteti, familjarët kanë nisur edhe kërkimet private për gjetjen e tyre duke qenë se nuk kanë asnjë të dhënë nga autoritetet. Nga ana tjetër, Policia e Sarandës vazhdon kqyrjen e kamerave filmike dhe po shqyrton të gjitha pamjet e siguruara nga zona të ndryshme të qytetit ku kanë lëvizur dy të zhdukurit pa gjurmë.
Kush janë dy personat e zhdukur?
1. Leonard Theodhori, 46 vjec i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.
2. Fatmir Sulovari alias Fatmir Krasniqi, 46 vjec. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMW” X5 u gjet nje sasi cannabis sativa e ndarë në doza gati për shitje.
