Në orën 07:00 të mëngjesit të sotëm ka nisur zyrtarisht procesi i votimit për zgjedhjet parlamentare. Qendra e votimit janë hapur në të gjithë vendin, ndërsa sipas Kodit Zgjedhor parashikohet të mbyllen në orën 19:00.
KQZ njofton se materialet zgjedhore janë shpërndarë në të gjithë vendin dhe komisionet e qendrave të votimit janë të gatshme për të nisur procesin e votimit.
Për këto zgjedhje janë regjistruar 3.452.260 zgjedhës, bazuar mbi të dhënat e regjistrit kombëtar elektronik, ndërsa në të gjithë vendin janë ngritur 5.362 qendra votimi.
Procesi do të administrohet nga 90 komisione zonalë të administrimit zgjedhor (KZAZ), ndërsa janë regjistruar gjithsej 18 parti politike, të cilat konkurrojnë me vete.
Mësohet se janë angazhuar 7 mijë forca policore, për të garantuar procesin zgjedhor.
