Kosova, me zgjedhjet e parakohshme të 11 qershorit, mendohej se do të kapërcente krizën politike, por situata pas zgjedhore, referuar rezultatit të procesit, duke se e ka komplikuar edhe më tej realitetin politik atje.
Kështu, asnjë koalicion apo subjekt i vetëm politik, nuk arriti të marrë shumicën e cilësuar për të krijuar qeverinë e re, pa nevojën e një bashkëpunimi.
Bashkëpunimet duken gati të pamundura, duke pasur parasysh ndarjet ekstreme në skenën politike, të cilat çuan në shpërbërjen e parakohshme Kuvendit.
Bazuar në Kushtetutën e Republikës së Kosovës, koalicioni fitues ka të drejtën e formimit të qeverisë, që në këtë rast PAN, me kandidatin për kryeministër, Ramush Haradinaj.
Duke u bazuar në Kushtetutën e Republikës së Kosovës, e cila është akti më i lartë juridik në vend, koalicionit fitues i takon formimi i Qeverisë. Në këtë rast, del që koalicioni PAN, me kandidatin për kryeministër, Ramush Haradinaj do ta ketë mundësinë e parë për ta formuar qeverinë.
Por 39 mandate nuk i mjaftojnë Haradinajt për formimin e qeverisë së re.
Në nenin 95, pika 4 e Kushtetutës, thuhet se “Nëse përbërja e propozuar e Qeverisë nuk merr shumicën e votave të nevojshme, Presidenti i Republikës së Kosovës, brenda dhjetë ditësh emëron kandidatin tjetër sipas së njëjtës procedurë. Nëse as herën e dytë nuk zgjidhet Qeveria, atëherë Presidenti i Kosovës i shpall zgjedhjet, të cilat duhet të mbahen jo më vonë se dyzet ditë nga dita e shpalljes së tyre”,
Lëvizja Vetëvendosje do të ketë 31 mandate dhe 30 do të ketë LDK me partnerët e koalicionit në legjislaturën e re./Tirana Today/
