Zgjedhjet lokale në Maqedoni mund të mbahen në muajin shtator.
Lideri i Socialdemokratëve Zoran Zaev, për “TV21” deklaroi se pas formimit të qeverisë së re partitë politike, duhet të merren vesh për datën e organizimit të zgjedhjeve lokale, sepse komunat e ndjenjë trysninë e krizës politike të stërzgjatur.
Zaev tha se duhet të ndryshohet neni 12 i Kodit Zgjedhor, në vend të majit, do të vendoset një muaj tjetër, për të cilin do të merren vesh partitë politike.
Sipas Ligjit, mandati i autoriteteve lokale skadon më 15 maj dhe Maqedonia do të mbetet pa vetëqeverisje lokale. Afati i fundit për shpalljen e zgjedhjeve lokale në Kuvend, skadoi më 6 mars si pasojë e krizës politike.
