Analisti Agim Baçi dhe anëtarja e Këshillit Kombëtar të PD-së Alesia Balliu të ftuar në Programin e drekës në News 24 zhvilluan një debat rreth protestës të Partisë Demokratike që zhvillohet sot dhe gjendjen aktuale të PD-së.
Alesia Balliu u shpreh se Lulzim Basha ka dhuruar zgjedhjet në tavolinë, duke shtuar se ka qenë kundër Bashës dhe kur ai ka qenë në krye të selisë blu.
Ndërsa, analisti Baçi deklaroi se Balliu përdor slogane, duke nënvizuar se PD sot me Sali Berishën nuk frymëzon, pasi përndryshe do fitonte zgjedhjet.
Alesia Balliu: PD nuk ka pasur lider, e ka pasur të shitur deri në vitin 2021, që ka dhënë zgjedhjet në tavolinë Basha.
Luan Baçi: Mund t’i heqim këto slogane, pse do jepte zgjedhjet në tavolinë? Po ta dëgjosh Sali Berishën, thotë i ka vjedhur Rama, nuk i ka shitur Basha. Po mbani tre qëndrime. Kam qenë në terren më 2021, e di shumë mirë këtë gjë.
Alesia Balliu: Tjetri loboi, tjetri shiti partinë. Do dolën dhe nga fondet amerikane tani.
Luan Baçi: Çfarë loboi? Çfarë doli nga fondet amerikane?
Alesia Balliu: Të doli që po përdoret Prokuroria, gjyqtarët për asgjësimin e kundërshtarit politik.
Luan Baçi: Më jep ca fakte. Mos flasim në ajër.
Alesia Balliu: Fakt konkret është ai i Ervinit. Opozita ka ngjallur shpresë.
Luan Baçi: Të ishte ashtu, do kishte fituar zgjedhjet. Nuk frymëzon.
Alesia Balliu: PD do i fitojë zgjedhjet. Tani kemi të drejtën kryetarin, vulën, kemi gjithçka. Basha dhe kur ka qenë kryetari i PD kam qenë kundër tij, sepse e shikoja se nuk ishte për atë punë.
