Kryemisioneri tha se kjo praktikë e parë do të shërbejë si test dhe nuk do të zëvendësojë mënyrën e numërimit dhe vlerësimit të votave e cila do mbetet mënyra zyrtare e referimit për këtë aspekt të procesit zgjedhor.
Kreu i Komisionit Qendror Zgjedhor, Ilirjan Celibashi ka lajmëruar se numërimi i votave për zgjedhjet e pjesshme lokale të 9 nëntorit, do të bëhet nëpërmjet Inteligjencës Artificiale. Kjo është hera e parë që AI do të aplikohet në procesin zgjedhor.
Lajmin Celibashi e bëri të ditur në konferencën me temë “Mbikëqyrja e Digjitalizimit në Proceset Zgjedhore: Drejt Konvergjencës midis BE-së dhe Ballkanit Perëndimor”. Kryemisioneri tha se kjo praktikë e parë do të shërbejë si test dhe nuk do të zëvendësojë mënyrën e numërimit dhe vlerësimit të votave e cila do mbetet mënyra zyrtare e referimit për këtë aspekt të procesit zgjedhor.
“Kemi filluar në versionin eksperimental përdorimin e Inteligjencës Artificiale për kërkimin dhe marrjen e informacioneve zgjedhore nëpërmjet faqes së internetit të KQZ si dhe për të ofruar asistencë dhe krijuar facilitet për administratën zgjedhore, por edhe për subjekte të tjera të përfshira në procesin zgjedhor, mundësi për ta marrë dhe përpunuar këtë informacion, apo aspekte të ndryshme të procesit zgjedhor.
Në 9 nëntor të këtij viti do mbahen zgjedhjet e pjesshme. Stafi i KQZ po punon për të aplikuar për herë të parë përdorimin e Inteligjencës Artificiale në numërimin dhe vlerësimin e fletëve të votimit dhe nxjerrjen e rezultateve. Ky projekt do shërbejë si test dhe për momentin nuk do zëvendësojë mënyrën e numërimit dhe vlerësimit të votave, e cila do mbetet mënyra zyrtare e referimit për këtë aspekt të procesit zgjedhor”, deklaroi Celibashi.
Shpenzimet e gjithë këtij procesi do të mbulohen nga donacionet e partnerëve ndërkombëtarë. Celibashi shtoi se me atë të këtij projekti synohet aplikimi sa më i madh i AI në procesin zgjedhor.
